Перспективные направления подготовки ТПУ

 

Технологийн процесс болон үйлдвэрлэлийн автоматжуулалт

Үйлдвэр, аж ахуйн нэгжүүдийн автоматжуулалт хариуцсан мэргэжилтэн нь хүний шууд оролцоогүйгээр үйлдвэрлэлийн процессыг явуулдаг системийг удирдах үүрэгтэй байдаг. Энэхүү автомажуулалт нь бүтээгдэхүүнийг илүү хямд бөгөөд чанартай болгохоос гадна үйлдвэрлэлийн процесс нь өөрөө илүү аюулгүй, байгаль орчинд ээлтэй болдог.

Та hi-tech автомат хяналтын  хөгжүүлэлт болон ашиглалтын талаар мэдлэг олж авах, газрын тос, байгалийн хийн салбарын үйлдвэрлэл, Schneider Electric, Siemens, Honeywell, ABB-ийн автоматжуулалтын шилдэг туршлага дадлагаажуулт эзэмшиж, техникийн процессийн хяналтын систем, VR болон AR технологийн угсралтын үйлчилгээний талаар сурах болно.

Газрын тос, байгалийн хийн мэргэжил. Газрын тос, байгалийн хий, дахин боловсруулсан бүтээгдэхүүнийг тээвэрлэх болон хадгалах объектын ашиглалт ба үйлчилгээ.

"Газрын тос, байгалийн хий, дахин боловсруулсан бүтээгдэхүүнийг тээвэрлэх болон хадгалах объектын ашиглалт ба үйлчилгээ" хөтөлбөрийг сонгосноор Та хий, газрын тос дамжуулах хоолойн ашиглалт, шахах ба компрессорын станцууд, дамжуулах хоолой, хадгалах байгууламжын чиглэлээр мэдлэг, ур чадвар эзэмших болно.

Энэ салбарын мэргэжилтнүүдийн гол чадавхи:

  • ашиглалтын явцад динамик, гидромеханик, термодинамикийн процессыг харгалзан технологийн тоног төхөөрөмжийн найдвартай ажиллагааны онолын гүнзгий мэдлэгтэй болох;
  • геомэдээллийн технологи ашиглан хий, газрын тос дамжуулах хоолой, хадгалах байгууламжийн бүлэг болон бие даасан зураг төсөл боловсруулах орчин үеийн компьютерийн хэрэгсэл эзэмших;
  • хий, газрын тос дамжуулах хоолой, хадгалах байгууламжийн тоног төхөөрөмжийн ашиглалтын үзүүлэлтүүдийг харгалзан газрын тос, байгалийн хийн тээвэрлэлтийн технологийн горимыг оновчтой болгох стандарт бус тооцоог хийх;
  • гидродинамик өндөр төвөгшилтэй процессын загварчлалын арга зүй, газрын тос, байгалийн хийн шахуургын оновчтой технологийн горим, дамжуулах хоолойн параметрүүдийг маршрутын шинж чанарыг харгалзан сонгох;
  • гадаад хэлийг өндөр (ахисан) түвшинд эзэмших.

Цахилгаан эрчим хүч болон цахилгаан техникийн мэргэжил

Орчин үеийн дэлхий ертөнцийг цахилгаан эрчим хүчгүйгээр төсөөлөхийн аргагүй тул цахилгаан эрчим хүч, цахилгаан инженерийн мэргэжилтнүүд хөдөлмөрийн зах зээл дээр үргэлж эрэлт хэрэгцээтэй байдаг. Их сургуулийн төгсөгчид нь цахилгаан эрчим хүч, цахилгаан инженерийн аж ахуйн нэгжүүдэд инженер, зохион бүтээгч, судлаач, менежерээр ажиллан цахилгаан эрчим хүч үйлдвэрлэх, дамжуулах, түгээх, хувиргах, ашиглахад хяналт тавьж тэд эдгээр үйл явцыг хэрэгжүүлэх систем, төхөөрөмжийн зураг төсөл боловсруулахад оролцдог.

Хэрэв ээ асуулт байвал энэ хаяг руу бичнэ үү: sherinaea@tpu.ru